ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಒಂದು ಒಳ್ಳೆಯ ರೇಂಜಿನ ಕೆಲಸ ಹಿಡಿಯಬೇಕು, ಲೈಫ್ನಲ್ಲಿ ಬೇಗ ಸೆಟಲ್ ಆಗಬೇಕು ಅಂದುಕೊಂಡಿರುವ ಯುವಜನತೆಗೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಬಂಪರ್ ಉಡುಗೊರೆ ನೀಡಿದೆ. ದೇಶದ ಅತಿ ದೊಡ್ಡ ಬ್ಯಾಂಕ್ ಆಗಿರುವ ಎಸ್ಬಿಐ, ಬರೋಬ್ಬರಿ 1,500 ಪ್ರೊಬೇಷನರಿ ಆಫೀಸರ್ (PO) ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆ ಹೊರಡಿಸಿದೆ. ಡಿಗ್ರಿ ಮುಗಿಸಿ ಕಾಯುತ್ತಿದ್ದವರಿಗೆ ಇದೊಂದು ಸುವರ್ಣಾವಕಾಶವಾಗಿದ್ದು, ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಜುಲೈ 08, 2026 ಕೊನೆಯ ದಿನವಾಗಿದೆ.
ಯಾವೆಲ್ಲಾ ಹುದ್ದೆಗಳಿವೆ? ಯಾರೆಲ್ಲಾ ಅರ್ಜಿ ಹಾಕಬಹುದು? ಪರೀಕ್ಷೆ ಹೇಗಿರುತ್ತೆ? ಇತ್ಯಾದಿ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ ನೋಡಿ.
ಯಾವ ವರ್ಗಕ್ಕೆ ಎಷ್ಟಿವೆ ಹುದ್ದೆಗಳು?
ಒಟ್ಟು 1500 ಹುದ್ದೆಗಳಲ್ಲಿ ನಿಯಮಿತವಾಗಿ 1446 ಹುದ್ದೆಗಳಿದ್ದರೆ, ಉಳಿದ 54 ಬ್ಯಾಕ್ಲಾಗ್ ಹುದ್ದೆಗಳಾಗಿವೆ. ಕ್ಯಾಟಗರಿ ವೈಸ್ ಲಿಸ್ಟ್ ಹೀಗಿದೆ:
- ಸಾಮಾನ್ಯ ವರ್ಗ (UR): 588
- ಒಬಿಸಿ (OBC): 390
- ಪರಿಶಿಷ್ಟ ಜಾತಿ (SC): 234
- ಇಡಬ್ಲ್ಯೂಎಸ್ (EWS): 144
- ಪರಿಶಿಷ್ಟ ಪಂಗಡ (ST): 144
ಯಾರೆಲ್ಲಾ ಅರ್ಜಿ ಸಲ್ಲಿಸಬಹುದು? (ಅರ್ಹತೆಗಳು)
- ವಿದ್ಯಾರ್ಹತೆ: ನೀವು ಯಾವುದೇ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ (Graduation) ಪಾಸ್ ಮಾಡಿದ್ದರೆ ಸಾಕು. ಸಿಎ (CA) ಮಾಡಿದವರೂ ಅಪ್ಲೈ ಮಾಡಬಹುದು. (ಟ್ವಿಸ್ಟ್ ಏನೆಂದರೆ, ಕೊನೆಯ ವರ್ಷದ ಪದವಿ ಓದುತ್ತಿರುವವರೂ ಅರ್ಜಿ ಹಾಕಬಹುದು. ಆದರೆ ಇಂಟರ್ವ್ಯೂ ವೇಳೆಗೆ ಪಾಸ್ ಆದ ಸರ್ಟಿಫಿಕೇಟ್ ತೋರಿಸಬೇಕಾಗುತ್ತದೆ).
- ವಯೋಮಿತಿ: ಏಪ್ರಿಲ್ 01, 2026ಕ್ಕೆ ಅನ್ವಯವಾಗುವಂತೆ ಕನಿಷ್ಠ 21 ವರ್ಷ ಆಗಿರಬೇಕು ಹಾಗೂ 30 ವರ್ಷ ಮೀರಿರಬಾರದು.
- ವಯೋಮಿತಿ ಸಡಿಲಿಕೆ: ಒಬಿಸಿ ಅಭ್ಯರ್ಥಿಗಳಿಗೆ 3 ವರ್ಷ, ಎಸ್ಸಿ/ಎಸ್ಟಿ ಅಭ್ಯರ್ಥಿಗಳಿಗೆ 5 ವರ್ಷ ಹಾಗೂ ಪಿಡಬ್ಲ್ಯೂಬಿಡಿ (PwBD) ಅಭ್ಯರ್ಥಿಗಳಿಗೆ ಗರಿಷ್ಠ 15 ವರ್ಷಗಳವರೆಗೆ ವಯೋಮಿತಿ ಸಡಿಲಿಕೆ ಇರಲಿದೆ.
ವೇತನ ಎಷ್ಟು ಗೊತ್ತಾ? ಪ್ಯಾಕೇಜ್ ಕೇಳಿದ್ರೆ ಅಚ್ಚರಿ ಪಡ್ತೀರಾ!
ಎಸ್ಬಿಐ ಪಿಒ ಹುದ್ದೆಗಳಿಗೆ ಬೇರೆ ಬ್ಯಾಂಕುಗಳಿಗಿಂತ ಸಖತ್ ಡಿಮ್ಯಾಂಡ್ ಇರಲು ಮುಖ್ಯ ಕಾರಣ ಇದರ ಸ್ಯಾಲರಿ ಪ್ಯಾಕೇಜ್. ಆರಂಭಿಕ ಮೂಲ ವೇತನವೇ ₹ 48,480/- ಇರಲಿದ್ದು, ಇದರ ಜೊತೆಗೆ ಡಿಎ, ಎಚ್ಆರ್ಎ, ಮೆಡಿಕಲ್, ಲೀಸ್ ರೆಂಟಲ್ ನಂತಹ ಹತ್ತಾರು ಭತ್ಯೆಗಳು ಸಿಗಲಿವೆ. ಮುಂಬೈನಂತಹ ಮೆಟ್ರೋ ಸಿಟಿಯಲ್ಲಿ ಪೋಸ್ಟಿಂಗ್ ಸಿಕ್ಕರೆ ವಾರ್ಷಿಕ ಸಿಟಿಸಿ (CTC) ಅಂದಾಜು ₹ 21.97 ಲಕ್ಷದಷ್ಟಿರುತ್ತದೆ!
ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯುತ್ತೆ? (ಮೂರು ಹಂತಗಳು)
ಈ ಬಾರಿ ಕೆಲಸ ಗಿಟ್ಟಿಸಿಕೊಳ್ಳಲು ನೀವು 3 ಪ್ರಮುಖ ಹಂತಗಳನ್ನು ಪಾಸ್ ಮಾಡಬೇಕಾಗುತ್ತದೆ:
1. ಪ್ರಿಲಿಮ್ಸ್ ಪರೀಕ್ಷೆ (Preliminary Exam): ಇದು 100 ಅಂಕಗಳ ಆನ್ಲೈನ್ ಆಬ್ಜೆಕ್ಟಿವ್ ಪರೀಕ್ಷೆ. 1 ಗಂಟೆ ಸಮಯವಿರುತ್ತದೆ.
- ಇಂಗ್ಲಿಷ್ ಭಾಷೆ: 30 ಪ್ರಶ್ನೆಗಳು (30 ಅಂಕ)
- ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್: 35 ಪ್ರಶ್ನೆಗಳು (35 ಅಂಕ)
- ರೀಸನಿಂಗ್ ಎಬಿಲಿಟಿ: 35 ಪ್ರಶ್ನೆಗಳು (35 ಅಂಕ)
2. ಮುಖ್ಯ ಪರೀಕ್ಷೆ (Main Exam): ಪ್ರಿಲಿಮ್ಸ್ ಪಾಸ್ ಆದವರಿಗೆ 200 ಅಂಕಗಳ ಆಬ್ಜೆಕ್ಟಿವ್ ಮತ್ತು 30 ಅಂಕಗಳ ಡಿಸ್ಕ್ರಿಪ್ಟಿವ್ (ಪತ್ರ/ಪ್ರಬಂಧ ಬರವಣಿಗೆ) ಪರೀಕ್ಷೆ ಇರುತ್ತದೆ. ನೆನಪಿರಲಿ, ಇಲ್ಲಿ ತಪ್ಪು ಉತ್ತರಗಳಿಗೆ 1/4 ರಷ್ಟು ನೆಗೆಟಿವ್ ಮಾರ್ಕಿಂಗ್ ಇರುತ್ತದೆ.
3. ಇಂಟರ್ವ್ಯೂ ಮತ್ತು ಸೈಕೋಮೆಟ್ರಿಕ್ ಟೆಸ್ಟ್: ಕೊನೆಯ ಹಂತದಲ್ಲಿ 50 ಅಂಕಗಳಿಗೆ ಗ್ರೂಪ್ ಎಕ್ಸರ್ಸೈಸ್ ಮತ್ತು ಪರ್ಸನಲ್ ಇಂಟರ್ವ್ಯೂ ನಡೆಸಿ ಅಭ್ಯರ್ಥಿಗಳನ್ನು ಫೈನಲ್ ಮಾಡಲಾಗುತ್ತದೆ.
ಅರ್ಜಿ ಶುಲ್ಕ ಮತ್ತು ಪ್ರಮುಖ ದಿನಾಂಕಗಳು
- ಅರ್ಜಿ ಶುಲ್ಕ: ಸಾಮಾನ್ಯ, EWS ಮತ್ತು OBC ಅಭ್ಯರ್ಥಿಗಳಿಗೆ ₹ 750/- ಇರಲಿದೆ. ಇನ್ನುಳಿದ ಎಸ್ಸಿ, ಎಸ್ಟಿ ಮತ್ತು ಪಿಡಬ್ಲ್ಯೂಬಿಡಿ ಅಭ್ಯರ್ಥಿಗಳಿಗೆ ಯಾವುದೇ ಶುಲ್ಕ ಇರುವುದಿಲ್ಲ (ಉಚಿತ).
- ಅರ್ಜಿ ಸಲ್ಲಿಸಲು ಆರಂಭ: 18-06-2026
- ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 08-07-2026
- ಪ್ರಿಲಿಮ್ಸ್ ಪರೀಕ್ಷೆ (ಅಂದಾಜು): ಆಗಸ್ಟ್ 2026
- ಮುಖ್ಯ ಪರೀಕ್ಷೆ (ಅಂದಾಜು): ಸೆಪ್ಟೆಂಬರ್ 2026
ಮೊಬೈಲ್/ಕಂಪ್ಯೂಟರ್ನಲ್ಲಿ ಅರ್ಜಿ ಸಲ್ಲಿಸುವುದು ಹೇಗೆ?
- ಮೊದಲು ಎಸ್ಬಿಐನ ಅಧಿಕೃತ ಕೆರಿಯರ್ ಪೇಜ್ ಭೇಟಿ ನೀಡಿ:
[https://sbi.bank.in/web/careers/current-openings](https://sbi.bank.in/web/careers/current-openings) - ಹೊಸದಾಗಿ ರಿಜಿಸ್ಟರ್ ಮಾಡಿಕೊಂಡು, ಲಾಗಿನ್ ಐಡಿ ಕ್ರಿಯೇಟ್ ಮಾಡಿಕೊಳ್ಳಿ.
- ನಿಮ್ಮ ಶೈಕ್ಷಣಿಕ ಮಾಹಿತಿಗಳನ್ನು ನಿಖರವಾಗಿ ಫಿಲ್ ಮಾಡಿ.
- ಇತ್ತೀಚಿನ ಫೋಟೋ (20kb-50kb), ಸಿಗ್ನೇಚರ್ (10kb-20kb), ಹೆಬ್ಬೆರಳಿನ ಗುರುತು ಹಾಗೂ ಕೈಬರಹದ ಡಿಕ್ಲರೇಶನ್ ಸ್ಕ್ಯಾನ್ ಮಾಡಿ ಅಪ್ಲೋಡ್ ಮಾಡಿ. (ಲೈವ್ ಫೋಟೋ ಕೂಡ ಕ್ಯಾಪ್ಚರ್ ಮಾಡಬೇಕಾಗುತ್ತದೆ).
- ಆನ್ಲೈನ್ ಮೂಲಕ ಫೀಸ್ ಪಾವತಿಸಿ, ಫಾರ್ಮ್ ಸಬ್ಮಿಟ್ ಮಾಡಿ ಪ್ರಿಂಟ್ ತೆಗೆದುಕೊಳ್ಳಿ.
ಕೊನೆಯ ಮಾತು;
ಬ್ಯಾಂಕಿಂಗ್ ವಲಯದಲ್ಲಿ ಕರಿಯರ್ ಬಿಲ್ಡ್ ಮಾಡಬೇಕು ಅಂದುಕೊಂಡಿರುವ ಪದವೀಧರರಿಗೆ ಇದಕ್ಕಿಂತ ದೊಡ್ಡ ಅವಕಾಶ ಸಿಗುವುದು ಅಪರೂಪ. ಸಿಲಬಸ್ ನೋಡಿಕೊಂಡು ಇಂದಿನಿಂದಲೇ ಸಿದ್ಧತೆ ಆರಂಭಿಸಿ. ಕೊನೆಯ ದಿನದವರೆಗೂ ಕಾಯದೆ ತಕ್ಷಣವೇ ಅರ್ಜಿ ಸಲ್ಲಿಸುವುದು ಜಾಣತನ. ಆಲ್ ದಿ ಬೆಸ್ಟ್!