ನೀವು ಈ ವರ್ಷ ಎಸ್ಎಸ್ಎಲ್ಸಿ (SSLC) ಪರೀಕ್ಷೆಯಲ್ಲಿ ಉತ್ತಮ ಅಂಕಗಳೊಂದಿಗೆ ಉತ್ತೀರ್ಣರಾಗಿದ್ದೀರಾ? ಆರ್ಥಿಕ ಮುಗ್ಗಟ್ಟಿನ ಕಾರಣಕ್ಕೆ ಮುಂದಿನ ಓದಿನ ಬಗ್ಗೆ ಚಿಂತಿತರಾಗಿದ್ದೀರಾ? ಚಿಂತಿಸಬೇಡಿ. ನಿಮ್ಮ ಕನಸಿನ ಶಿಕ್ಷಣಕ್ಕೆ ಭದ್ರ ಬುನಾದಿ ಹಾಕಲು ‘ಸರೋಜಿನಿ ದಾಮೋದರನ್ ಫೌಂಡೇಶನ್’ (SDF) ಈಗ ಕೈಜೋಡಿಸುತ್ತಿದೆ.
ವಿದ್ಯಾಧನ್ ಸ್ಕಾಲರ್ಶಿಪ್ 2026: ಏನಿದು ಅವಕಾಶ?
ಪ್ರತಿಭಾವಂತ ವಿದ್ಯಾರ್ಥಿಗಳು ಆರ್ಥಿಕ ಸಮಸ್ಯೆಯಿಂದಾಗಿ ಶಿಕ್ಷಣವನ್ನು ಅರ್ಧದಲ್ಲೇ ಮೊಟಕುಗೊಳಿಸಬಾರದು ಎಂಬ ಉದಾತ್ತ ಉದ್ದೇಶದಿಂದ SDF ಈ ವಿದ್ಯಾರ್ಥಿವೇತನವನ್ನು ನೀಡುತ್ತಿದೆ. ಈ ಸ್ಕಾಲರ್ಶಿಪ್ ಕೇವಲ ಪಿಯುಸಿಗೆ ಸೀಮಿತವಲ್ಲ, ನಿಮ್ಮ ಪ್ರತಿಭೆ ಮುಂದುವರಿದರೆ ಪದವಿ, ಇಂಜಿನಿಯರಿಂಗ್, ಮತ್ತು ಮೆಡಿಕಲ್ ಶಿಕ್ಷಣದವರೆಗೂ ನಿಮಗೆ ಆರ್ಥಿಕ ಆಸರೆ ಸಿಗಲಿದೆ.
ಯಾರಿಗೆ ಎಷ್ಟು ನೆರವು ಸಿಗಲಿದೆ?
- ಪಿಯುಸಿ (1st & 2nd Year): ವಾರ್ಷಿಕ ₹10,000
- ಪದವಿ (Degree): ₹20,000 ದಿಂದ ₹25,000 ವರೆಗೆ
- ಇಂಜಿನಿಯರಿಂಗ್: ₹45,000 ದಿಂದ ₹55,000 ವರೆಗೆ
- ವೈದ್ಯಕೀಯ (Medical): ಗರಿಷ್ಠ ₹40,000 ದಿಂದ ₹75,000 ವರೆಗೆ
ಅರ್ಹತೆಗಳು ಏನು?
- ಅಂಕಗಳು: 2026ರ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಕನಿಷ್ಠ 90% ಅಂಕ ಅಥವಾ 9 CGPA ಪಡೆದಿರಬೇಕು (ವಿಕಲಚೇತನರಿಗೆ 75%).
- ಆದಾಯ ಮಿತಿ: ಕುಟುಂಬದ ವಾರ್ಷಿಕ ಆದಾಯ ₹2 ಲಕ್ಷಕ್ಕಿಂತ ಕಡಿಮೆ ಇರಬೇಕು.
- ರಾಜ್ಯ: ವಿದ್ಯಾರ್ಥಿಯು ಕರ್ನಾಟಕದವರಾಗಿರಬೇಕು.
ಪ್ರಮುಖ ದಿನಾಂಕಗಳು:
- ಅರ್ಜಿ ಸಲ್ಲಿಕೆಗೆ ಕೊನೆಯ ದಿನ: 05 ಜುಲೈ 2026
- ಆನ್ಲೈನ್ ಸ್ಕ್ರೀನಿಂಗ್ ಟೆಸ್ಟ್: 19 ಜುಲೈ 2026
- ಸಂದರ್ಶನ: 08 ಆಗಸ್ಟ್ – 30 ಆಗಸ್ಟ್ 2026
ಅರ್ಜಿ ಸಲ್ಲಿಸುವುದು ಹೇಗೆ?
ಅರ್ಜಿ ಸಲ್ಲಿಕೆ ಸಂಪೂರ್ಣ ಉಚಿತ. www.vidyadhan.org ವೆಬ್ಸೈಟ್ಗೆ ಭೇಟಿ ನೀಡಿ. ನಿಮ್ಮದೇ ಆದ ಸ್ವಂತ ಇಮೇಲ್ ಐಡಿ ಬಳಸಿ ರಿಜಿಸ್ಟರ್ ಮಾಡಿ, ‘Karnataka 11th Program – 2026’ ಆಯ್ಕೆ ಮಾಡಿ, ಅಗತ್ಯ ದಾಖಲೆಗಳೊಂದಿಗೆ (10th ಮಾರ್ಕ್ಸ್ ಕಾರ್ಡ್, ಆದಾಯ ಪ್ರಮಾಣಪತ್ರ) ಅರ್ಜಿ ಸಲ್ಲಿಸಿ.
ಎಚ್ಚರಿಕೆ: ಈ ಸ್ಕಾಲರ್ಶಿಪ್ಗೆ ಯಾವುದೇ ಮಧ್ಯವರ್ತಿಗಳಿಲ್ಲ. ಮೋಸದ ಜಾಲಗಳಿಗೆ ಬಲಿಯಾಗಬೇಡಿ. ಅಧಿಕೃತ ವೆಬ್ಸೈಟ್ ಮಾತ್ರ ಬಳಸಿ.
ಹೆಚ್ಚಿನ ಮಾಹಿತಿಗೆ ಇಮೇಲ್ ಮಾಡಿ: vidyadhan.karnataka@sdfoundationindia.com ಅಥವಾ 9663517131 ಗೆ ಕರೆ ಮಾಡಿ.